නන් සුරන් බැතියෙන් පිදූ සරු පින් බිමක් විය මිහිතලේ
රන් සඳක් විලසින් දිලේ එය මේ අපේ තුන් සිංහලේ
දෙස් විදෙස් පතාලවු කිත් යසසින් මෙවන් පසුබා සැදී
මී මුතුන් සුවහස් ගණන් මෙය මව් බිමේ නාමෙන් බැඳී
සීහලේ සුවඳින් ලැබූ නව ජීවයෙන් පිබිදී නැගී
උන් මළත් අපගේ විකුම් විමසා සදා නොනිඳා ඉඳී
දැන් නැතත් ඒ ශ්රී විභූතිය ඒ ලෙසින් සදනා යුගේ
උන් ගැයූ අභිමාන ගී ස්වරයෙන් සැළේ හදවත් අපේ
මින් මතුත් මේ මව් කුසේ උණුසුම් පැතූ දරුවන් ලෙසේ
පින් පුරව් සිහළුනි ඉපදී මැරෙන්නට සිංහලේ
By: බණ්ඩාර අතාවුද (Bandara Athavuda)
නුදුරු සහෘද අදහස්